Bakı Xoreoqrafiya Akademiyasında Heydər Əliyevin xatirəsinə həsr olunmuş növbəti tədbir keçirilib

Bakı Xoreoqrafiya Akademiyasının (BXA) orta ixtisas təhsili pilləsinin təşkilatçılığı ilə Ümummilli lider Heydər Əliyevin anadan olmasının 102-ci ildönümünə həsr olunmuş tədbir keçirilib.
BXA-nın rəhbərliyinin, müəllim-tələbə heyəti və kollektivinin iştirak etdiyi tədbirə ehtiyatda olan polkovnik Mahir Cavadlı qonaq qismində qatılıb.
Tədbir Azərbaycan Respublikasının Dövlət Himni ilə açıq elan edilib. Daha sonra Ulu Öndərin zəngin həyatı, siyasi fəaliyyəti, Azərbaycanın möhkəmlənməsinə və yüksəlişinə həsr olunmuş xidmətləri barədə videoçarx nümayiş olunub.
Ardınca isə Mahir Cavadlı çıxış edərək Ulu Öndərin Azərbaycanın müstəqilliyinin bərpa olunması, suverenliyini möhkəmləndirməsi, tərəqqisi və inkişafında göstərdiyi misilsiz xidmətlərindən danışıb.
Ədəbi və bədii hissədən ibarət olan tədbirdə orta ixtisas təhsili pilləsinin tələbələrinin ifasında dahi şəxsiyyət və dünya şöhrətli siyasi xadim Heydər Əliyevə həsr olunmuş şeir nümunələri və rəqs kompozisiyaları nümayiş olunub.
Qeyd edək ki, tədbiri BXA-nın orta ixtisas təhsili pilləsinin müəllimləri: Aygül Qurbanova və Mehriban Haqverdiyeva təşkil edib.
Digər Xəbərlər

London Dizayn Biennalesi 2025-də Azərbaycan pavilyonunun rəsmi açılışı oldu

"21 AZƏR İNQİLABI" - İRADƏ TUNCAYIN FİLMİ - VİDEO

"Azerçay" ölkəmizin çay mədiyyətini dünyaya tanıtmağa davam edir - FOTOLAR

Kahramanmaraşda konfrans salonuna Nizami Gəncəvinin adı verildi

Türkiyənin sahil şəhərlərini yaxta turları ilə kəşf edin - FOTOLAR

Sumqayıt Teatrında “Qaravəlli” tamaşasının premyerası keçiriləcək

“AzDrama”da qalmaqal bitmir: Sən “AzDrama” ilə bağçanı səhv salmısan!
