Çoxlarımız şirin yuxuda olanda sübh tezdən onlar əllərində süpürgə  Bakının küçə və prospektlərini  təmizləyirlər.  

Qışın şaxtasinda, yayın istisində həmişə işbaşında olurlar. Çox təəssüf ki, bəzi insanlar onlara yuxarıdan  aşağı baxır.  Əlbəttə, belə düşünənlər heç də düz eləmirlər. Ən azından ona görə ki, bu insanlar  mənən çoxlarından təmiz və halal insanlardır. Onlar heç kimin haqqına girmir, öz halal alıntərlərilə yaşayırlar.

Bəlkə də bu süpürgəçilər dünyanın ən təmiz adamlarıdi. Hətta bəzi hallarda onlar həyatlarını təhlükəyə atır, məsuliyyətsiz sürücülər onları maşınla  vurub, hadisə yerindən  qaçırlar. Hansı ki, hadisə baş verəndə o insanlar kömək göstərilsə,  həyatlarını xilas etmək olar.

Əfsuslar olsun ki, belə səhlənkar  sürücülərin  günahı üzündən  bu səpgili yol- nəqliyyat  hadisələri  qaçılmaz olur.  Ona görə də belə zəhmətkeş insanlara heç  kim yuxarıdan aşağı baxmamalı, əksinə hamı onlara  hörmətlə yanaşmalıdır!

Emil Faiqoğlu