Bu gün Ağdama ilk dəfə Bakı-Ağdam sərnişin qatarı reysi istifadəyə verildi. Və dəvətlilər ağdamlılar, müharibə iştıirakçıları, ziyalılar, qeyri ağdamlılar idi. İlk dəfə Bakı-Ağdam sərnişin qatarı ilə Ağdama yola düşdülər. O cümlədən Vətən Müharibəsi Qəhrəmanı Yaşar Hüseynov da dəvətlilər arasında idi. Sonradan məlum oldu ki, Yaşarın adı portala düşməyib. Gəldilər ki, qatardan düşün, siz Ağdama gedə bilməzsiz, adınız portalda yoxdur.

Bir anlıq hamı çaşdı qaldı. Nə isə pərtlik oldu. O da getmək istəyirdi. Yaşarı qatardan enməyə qoymadım, dedim, dayan hələ. Bildirdim ki, bu, Vətən Müharibəsi Qəhrəmanıdı, Şuşaya ilk bayrağı o sancıb. Azərbaycanda 83 Vətən Müharibəsi Qəhrəmanı var, onun 34 -ü şəhid olub, 49-u sağdı - bu da onlardan biridir. Dedilər xeyri yoxdur, gedə bilməz. Dedim ki, necə olur, Şuşaya icazəsiz gedə bilər, Şuşada bayraq sanca bilər, amma özünün doğulduğu Ağdama gedə bilməz?.

Nə isə, Yaşar Hüseynov da enmək istəyir. Çox uzun müddət portala salmaq istədilər, bildirdilər ki, əgər portala qeydiyyatınız olmasa getməyəcəksiniz. Axırda dedik ki, heç olmasa Bərdədə düşər, Ağdama keçməz. O vaxta qədər də portalın qeydiyyat məsələsini həll edərik. Yəni belə bir şey olmaz axı…

Olmaz ki, Vətən Müharibəsi Qəhrəmanı azad elədiyi torpaqlara portlasız keçsin?...

Nə isə, axırı yaxşı qurtardı.