"Səhiyyə naziri Teymur Musayevlə söhbətdən belə bəlli oldu ki, estetik cərrahiyyə ilə bağlı ciddi problemlərin olduğun görə, onların monitorinqini ilk mərhələyə saldılar".

Adalet.az xəbər verir ki, bunu Milli Məclisin Səhiyyə komitəsinin bu gün keçirilən iclasında komitə sədri Əhliman Əmiraslanov deyib.

O bildirib ki, gələcəkdə ölkədə bütün ixtisaslar üzrə belə monitorinqlərin aparılması nəzərdə tutulub:

"Əminəm ki, stomatologiya sahəsində də monotorinq aparılacaq. Stomatoloji xidmətlər kifayət qədər vacibdir və insanların ən çox müraciət etdiyi sahədir. Bu sahədə də peşəkar mütəxəssislərin olması vacibdir".