“ABŞ-nin İranı iqtisadi cəhətdən tamamilə təcrid etməyə yönəlmiş siyasəti səbəbindən Orta Asiya ölkələri çətin bir dilemma ilə üzləşirlər: ya Vaşinqtonun təzyiqi altında Tehranla ticarət və logistika əlaqələrini kəsməli, ya da ikinci dərəcəli sanksiyalarla üzləşməlidirlər”.

Adalet.az xəbər verir ki, bunu hərbi ekspert Ədalət Verdiyev deyib.   

“24 avqustda ABŞ Maliyyə Naziri Skott Bessent İrana qarşı "İqtisadi Bir Yaramaz Əməliyyat"ın başladığını elan etdi. Bu kampaniyanın məqsədi İranın qonşu ölkələr də daxil olmaqla, iqtisadi, ticarət və maliyyə əlaqələrinin kəsilməsidir. ABŞ hazırda bu siyasətin bir hissəsi olaraq İran aviaşirkətlərinə sanksiyalar tətbiq edib və 23 sentyabrdan etibarən İran aviaşirkətlərinə xidmət göstərən aviaşirkətlərin, bankların və yerüstü xidmət şirkətlərinin dollar hesabları dondurulacaq. 9 sentyabrda ABŞ Dövlət Katibi Marko Rubio Amerika səfirliklərinə bir neçə xarici hökumətə İranla ticarətin dərhal dayandırılmasını, onunla əlaqəli şirkətlərin müəyyən edilməsini və ABŞ-ın məlumatına görə, İslam İnqilabı Keşikçiləri Korpusu (İİKK) ilə əlaqəli olan İran bankları Melli və Saderatın bütün filiallarının bağlanmasını tələb edən rəsmi məktublar göndərməyi tapşırıb. Qanunu pozanlar ikinci dərəcəli sanksiyalarla və dollar sistemindən ayrılmaqla hədələnirlər. ABŞ-nin Əbu-Dabi, Məsqət, Honkonq, Doha, London, Berlin və bir neçə Orta Asiya paytaxtındakı səfirliklərinə xüsusi təlimatlar verilib. Türkiyə və Azərbaycan Iran aviaşirkətlərinə tətbiq edilən sanksiyalara qoşulub.İranın ABŞ sanksiyalarına adekvat cavab vermək şansı yoxdur”, - deyə o, bildirib. 

Vasif ƏLİHÜSEYN