Qazaxıstanın yeni konstitusiyasının 1 iyulda qüvvəyə minməsi ölkənin siyasi sisteminin yenidən qurulması deməkdir.

Adalet.az xarici mətbuata istinadən xəbər verir ki, bu barədə Prezident Kasım-Jomart Tokayev məlumat verib. 

O, ötən gün Qazaxıstan hakimiyyətinin Qazaxıstan dövlətçiliyinin təməllərinin “əsaslı şəkildə yenidən qurulması” niyyətində olduğunu bildirmişdi. 

Belə ki, siyasətçi güc balansı üçün yeni bir formul "Güclü prezident, nüfuzlu qurultay və hesabatlı hökumət"i tədqim edib. Onun sözlərinə görə, Qazaxıstan prezident idarəetmə formasını qoruyub saxlayacaq, dövlət başçısı Konstitusiyanın qarantı, ali baş komandan və xarici siyasətdə əsas fiqur olaraq qalacaq.