Bakıda “Qarabağ” və Belçikanın “Gent” komandaları arasında keçiriləcək UEFA Konfrans Liqasının pley-off mərhələsinin ilk oyununun təyinatları bəlli olub.

Adalet.az-ın məlumatına görə, matç İsveçdən olan hakimlər briqadasına tapşırılıb.

Baş hakim Məhəmməd Al-Hakimə Fredrik Kliver və Robin Vilde laynsmanlar qismində köməklik göstərəcəklər.

Dördüncü hakim funksiyasını Boyan Pandziç yerinə yetirəcək. Polşalı Bartosz Frankovsk VAR hakimi, Pavel Pskit isə onun köməkçisi olacaq. Estoniyalı Uno Tutk hakim-inspektor, irlandiyalı Peadar Ryan UEFA nümayəndəsi kimi təyinat alıb.

Qeyd edək ki, fevralın 16-da Tofiq Bəhramov adına Respublika stadionunda keçiriləcək qarşılaşma saat 21:45-də başlayacaq. Cavab görüşü fevralın 23-də Gentdə olacaq.