10 Dekabr 2023 23:00
1156
MƏDƏNİYYƏT

Nobel Sülh mükafatı Nərgiz Məhəmmadinin əkizlərinə təqdim edildi

2023-cü il Nobel Sülh Mükafatının təqdimetmə mərasimi baş tutub.

Adalet.az xəbər verir ki, mərasim Norveçin paytaxtı Oslo şəhərində baş tutub.

İranda həbsdə olan hüquq müdafiəçisi Nərgiz Məhəmmədinin övladları mükafatı qəbul edib və onun adından nitq oxuyublar.

Səhnədə 17 yaşlı əkizlər Kiana və Əli Rəhmaninin yanında anaları üçün nəzərdə tutulan boş stul qoyulub. 

Nərgiz Məhəmmadi məktubunda mükafatın verilməsinə görə Nobel Komitəsinə təşəkkür edib.

“Ümid və hazırlıqla İranın dözümlü qadın və kişiləri ilə birlikdə sülhə, insan haqlarına və demokratiyaya hörmətlə yanaşan bütün qüvvələrə, hərəkatlara və insanlara əlimi uzadıram. Əminəm ki, azadlıq və ədalət işığı bir gün İran torpağı üzərində də parlayacaq”, - hüquq müdafiəçisi yazıb.