adalet.az header logo
  • Bakı 15°C
  • USD 1.7
26 Noyabr 2021 17:20
478
MƏMLƏKƏT

Naxçıvan əhalisinin neçə faizini qadınlar təşkil edir?

Hazırda muxtar respublikada 231614 qadın yaşayır ki, bu da əhalinin 50%-ni təşkil edir.

Adalet.az xəbər verir ki, bu barədə Naxçıvan MR Ailə, Qadın və Uşaq Problemləri üzrə Dövlət Komitəsinin məlumatında bildirilib.

Qeyd olunub ki, əgər ötən il 6979 qadın sahibkarlıq fəaliyyətləri ilə məşğul idisə, 2021-ci ilin müvafiq dövrü ilə müqayisədə bu göstərici 11.4% artaraq 7772 nəfər olub. 

Bu ilin müvafiq dövrünə olan məlumata əsasən istirahət, əyləncə və incəsənət sahəsində 3392 nəfər çalışır ki, bunların 63.6%-i qadınlardır. Eləcə də təhsil sahəsində 9931 (ötən ilin müvafiq dövrü ilə müqayisədə 1.5% çox), əhaliyə səhiyyə və sosial xidmətlər göstərilməsi sahəsində 4037 (ötən ilin müvafiq dövrü ilə müqayisədə 2% çox), dövlət qulluğu sahəsində 494 nəfər qadın çalışır. Mədəniyyət müəssisələrində rəhbər vəzifələrin 37-ni qadınlar tutur.

Bunlarla yanaşı ölkədə qadınlarla bağlı qəbul edilən qərarlar, təkmilləşdirilən hüquqi təchizatlar nəticəsində muxtar respublikanın  ictimai-siyasi həyatında qadınların fəallığı nəzərəçarpacaq dərəcədə artıb. Belə ki, 1 nəfər Azərbaycan Respublikası Milli Məclisinin, 11 nəfər Naxçıvan Muxtar Respublikası Ali Məclisinin üzvüdür. Yeni Azərbaycan Partiyasının üzvlərinin 43.7%-ni qadınlar təşkil edir. Habelə yerli özünüidarəetmə orqanlarında üzv olan qadınların sayı 221 nəfərdir. Onlardan 9-u bələdiyyə sədri, 1-i isə bələdiyyə sədrinin müavinidir.