Sergey Zavorotnı Moskvada avtomobil partlayışı nəticəsində sol qolunu itirib.

Adalet.az xəbər verir ki, o, beyin əzilməsi, sol qolunun çiyin səviyyəsində travmatik amputasiyası, qabırğalarının sınığı və sağ baldır sümüyünün açıq sınığı ilə xəstəxanaya yerləşdirilib.

Qeyd edək ki, bu gün Moskvanın Çertanovo rayonunun Kirovoqradskaya küçəsində Zavorotnının avtomobili hərəkətdə olarkən partladılıb. Partlayışın dalğası sükan arxasında olan Zavorotnını çölə atıb.

Faktla bağlı Rusiya İstintaq Komitəsində cinayət işi açılıb.

Avtomobilin sürücü tərəfdən alt hissəsinə maqnitli 300 qram tratili olan partlayıcı qurğu yerləşdirildiyi bildirilib.

***

12:03

Moskvada avtomobil partlayıb.

Adalet.az xəbər ki, insident paytaxtın cənubunda, Çertanovo rayonunun Kirovoqradskaya küçəsində baş verib.

Hadisə şahidlərinin bildirdiyinə görə, hərəkətdə olan "Toyota" markalı avtomobil partlayıb. Partlayışın dalğası çox güclü olub.

Bir nəfərin yaralandığı bildirilib.