MEDİA Naxçıvan idarəsi üzrə könüllülük proqramı elan edib

Azərbaycan Respublikasının Medianın İnkişafı Agentliyinin Naxçıvan regional idarəsi media sahəsinin inkişafı istiqamətində həyata keçirilən layihələr çərçivəsində gənclərin potensialından daha səmərəli istifadə etmək, onların fərdi və peşəkar inkişafına şərait yaratmaq, media sahəsində gənclərin fəal iştirakını və yaradıcı-innovativ potensialını stimullaşdırmaq, eyni zamanda ölkədə könüllülük hərəkatına dəstək olmaq məqsədi ilə “Media könüllüləri” Proqramına qeydiyyat elan edir.
Adalet.az xəbər verir ki, proqram müddətində könüllülərin nəzəri və təcrübi biliklər qazanması üçün Azərbaycan Respublikasının Medianın İnkişafı Agentliyinin Naxçıvan regional idarəsinin müvafiq struktur bölmələrində, həmçinin müxtəlif media subyektlərində təşkil ediləcək təcrübə proqramlarında, təlim və layihələrdə iştirakı nəzərdə tutulur.
Media sahəsində MEDİA könüllüsü olmaq istəyən 18-29 yaş arası gənclər qurumun saytına daxil olaraq müvafiq linkdən qeydiyyatdan keçməlidir.
Qeyd edək ki, “MEDİA könüllüləri” Proqramı 3 ay müddətində davam edəcəkdir. Könüllülük fəaliyyətini uğurla başa çatdırmış və öz öhdəliklərini yerinə yetirmiş könüllülər Proqramın sonunda Azərbaycan Respublikasının Medianın İnkişafı Agentliyinin Naxçıvan regional idarəsi tərəfindən sertifikatla təltif olunacaqlar.
Müraciət üçün son qeydiyyat tarixi 10 sentyabrdır.
Digər Xəbərlər

Medianın İnkişafı Agentliyi bu sayta xəbərdarlıq etdi

Media subyektinin təsis edilməsi zamanı adla bağlı yeni tələblər qoyulub

Media subyektləri bu halda Reyestrdən çıxarılacaq

Azərbaycanda xarici media orqanlarına dair yeni tələblər müəyyənləşdi

Bu qəzetlər 5 min manat cərimə olunacaq - TƏSDİQLƏNDİ

“MEDİA Könüllü”lərinə təşəkkürnamələr verilib - FOTOLAR

Azərbaycanın bir sıra dövlət xadimləri adından saxta açıqlamalar yayılıb
