Kimi və nəyi gözləyirlər? 

Bakı-Astara  yolunu  çox  gözəl  çəkiblər, adamın ruhu  dincəlir. Yolun hər iki  kənarında da çox yaraşıqlı və uyğun istirahət yerləri  tikiblər. Mən Avropanı  gəzmişəm, eləcə də  Türkiyəni, orda da   yolun kənarında istirahət yerləri var, amma Bakı-Astara  yolundakılara  çatmaz.

 Yəni yorulan adam yaydırsa açıq havada, qışdırsa  örtülü  məkanda  çay da  içə bilər, özünün  yeməyini də  yeyə bilər, çox rahatdı.  İstəsə tualetdən də  istifadə edə bilər.  Çox təəssüf ki, aradan  üç il  keçməsinə  baxmayaraq, istirahət yerlərinə  girib-çıxan yol  lentlə  bağlıdır, istirahət yerləri,  tualetlər də  bağlıdır.  Ona görə də tualetlik işi olan  adamlar yolun  kənarında  kol dibi  axtarmalıdır, yolun kənarı da  dəmir torla tutulduğundan bu da mümkün deyil.

Dostlar, yuxarıda dediyim kimi,  kimi və nəyi  gözləyirsiniz? Açın, heç olmasa bir-iki nəfər də işlə təmin olunar.