Evlilik kişilərdə piylənmə riskini üç dəfə artırır, lakin qadınlara təsir etmir.

Adalet.az xəbər verir ki, bu barədə polşalı alimlər araşdırma aparıblar.

Məlumata görə, 1990-cı ildən bəri dünyada piylənmə səviyyəsi iki dəfədən çox artıb, 2,5 milyarddan çox böyüklər və uşaqlar artıq çəkidən və ya piylənmədən əziyyət çəkirlər.

Pis pəhriz, oturaq həyat tərzi, genetika, ekoloji toksinlər və əsas tibbi şərtlərin riski artırdığı bilinsə də, Varşava Milli Kardiologiya İnstitutunun alimləri digər amillərin də vacib olub-olmadığını araşdırmaq istəyiblər.

Alimlər orta yaşı 50 olan 2405 nəfərin tibbi məlumatlarını və ümumi sağlamlığını öyrəniblər. Çəki artımı ilə yaş, ailə vəziyyəti, psixi sağlamlıq və digər amillər arasında əlaqə yaratmaq üçün statistik təhlildən istifadə edilib. Məlumata görə, evli kişilərin subay kişilərə nisbətən piylənmə ehtimalı 3,2 dəfə çox olub.

Belə ki, kişilərin kökəlməsinə çox kalori qəbulu və daha az fiziki aktivlik səbəb olur. Qadınlarda isə bu əksinədir.