Əbülfət Mədətoğludan yeni şeir: TƏKLİYİ...
Mən duyduğum gül nəfəsin,
Ay ağrısın, il nəfəsin...
Yaşatmadın, sil nəfəsin -
Götür, üstümdən təkliyi...
Sinəm ahdan olub dağ-dağ
Leysan kimi üstümə yağ...
Yaxın durma, uzaqdan bax -
Tanı, tüstümdən təkliyi...
Qəm çəkirəm bilə -bilə
Günüm, halım düşüb dilə...
Sən də çalış bir yol ilə -
Qurtar, " istimdən" təkliyi...
Sinəmdə xışla, eşq becər
Düşünməki, bu da keçər!
Sevməyənlər çətin seçər -
Mənim büstümdən , təkliyi