adalet.az header logo
  • Bakı 25°C
02 Iyul 2022 12:20
749
ƏDƏBİYYAT

ƏBÜLFƏT MƏDƏTOĞLU: VAXTI...

Mən bu anı gözlədim

Bilmirəm neçə vaxtdı?!.

Dindim axır...dözmədim -

Gecənin , gecə vaxtı...

 

Ruhumun laylası tək

Bir vüsal yaylası tək...

Bir arı ailəsi tək -

Qaçırtdım, beçə vaxtı...

 

Bu ürək ağrı şanı

Dil onun danışanı...

Həsrət tək tanış hanı?-

Verməyə , heçə vaxtı...

 

Göyərməyən ahım var,

Dünyaca günahım var...

Mənim də Allahım var! -

O baxa...seçə vaxtı!