Bakı 16°C 
Əbülfət MƏDƏTOĞLU: GÜNÜN DAHA BİR ŞEİRİ
Yorulmuş ömür dəvədi
tökülmüş dişlər həvədi...
Dərd qapqaradı - şəvədi -
Yaxamı tanıyır çoxdan...
Bilən bilirki , gül , nədi
üzü üzümə gülmədi...
çıxan ad da bir güllədi -
sinəmdə qanıyır çoxdan...
Bacarmıram üzə vuram -
bəxti, ya da , üzə duram!
Mən , ona əl uzadıram -
o, məni yanıyır çoxdan!..
Ömür yoxuş , həm yenişdi
onu, çəkdiyim yemişdi!
Deyirdin - dünya genişdi -
günümü sanıyır ... çoxdan!
