Hər bir xidmət sahəsi bir qayda olaraq hər işlədilən enerji ilə əlaqədar olaraq abonentinlərə borcla bağlı bildirişlər  göndərir.Borc da az olanda onu ödəmək  insanlar üçün daha asan olur.Bir qayda olaraq bu işi su, qaz , istilik qurumları hər ay, yaxudda 40 gündən bir edir. Əvvəllər " Azərişıq" da bunu vaxtında həyata  keçirirdi.

Amma son iki ayda Suraxanı rayonunun Yeni Günəşli yaşayış sahəsinin " D"massivi bina 13- də  borla bağlı abonentlərə bildiriş göndərmir. Təbii ki, iki- üç ayın borcu da yığılanda onu ödəmək sakinlər üçün daha çətin olur. Üstəlik də bir çox xidmət  sahələrinin  verdiyi enerjinin qiyməti artırılıb. Bu isə əlavə yük deməkdir.Biz bu məsələ ilə bağlı aidiyyəti qurumla əlaqə saxladıq , lakin telefon zənglərimizə cavab verən olmadı.

Sakinlər isə deyirlər ki, bunu " Azərişıq" bilərkədən edlr ki,  əhalidən artıq pul alsın.Bizim 13 nömrəli binada 5-6 ay bundan əvvələ qədər abonentlərə borcla bağlı vaxtında bildirişlər verilirdi, ancaq  son vaxtlar isə bildirişlər vaxtında verilmir, borclar yığılır, onu ödəmək insanlar üçün çox çətin olur.

Bununla yanaşı, məlum qurum   sayğaclardan borcu yazıb abonentlərə verən nəzarətçiləri də tez- tez dəyişir. Bax , bunu  nə üçün edirlər, bilmirik? Bildiyimiz odur ki, əvvəllər bizim binada işləyən nəzarətçi çox mədəni və intizamlı əməkdaş idi. Amma yeni təyin olunmuş nəzarətçidə bu məziyyətlər yoxdur! Hər halda, işıqla bağlı borclar vaxında abonentlərə verilsə, onu ödəmək də sakinlər üçün daha asan olar. İnanırıq ki, aidiyyəti qurum bu təkliflərimizi nəzərə  alacaq və mövcud problemi  vaxtında aradan qaldıracaq!!!

Emil FAİQOĞLU