Oktyabrın 6- da " Bakı Ekspo Mərkəzi" ində millət vəkili, istedadlı yazıçı -publisist İmamverdi İsmayılovun  İmza günü keçirilib.

Təbii ki, bu günü onun böyük ədəbi hadisə yaratmış və kitab şəklində çap edilmiş " Bayquş və Qarovulçu" hekayəsi ilə bağlı idi.Bu kitabda hekayə ilə yanaşı, ayrı- ayrı tanınmış  alimlərin , ziyalıların , yazıçı və jurnalistləri əsər barəsində düşüncələri , fikir və baxışları toplanıb. Bununla yanaşı, İmamverdi İsmayılovun Real TV - yə verdiyi çox səmimi və orijinal müsahibəsi də  kitaba daxil edilib.Bir sözlə, bəşəri dəyərlərə xidmət edən  bu hekayə  insanların içində ümid işığı yandırır və bəşəriyyəti insanlığı ölməyə qoymamağa səsləyir. İmza günündə millət vəkilləri, ziyalılar, yazıçılar və ictimaiyyətin nümayəndələri iştirak edirdilər.

İmza günün aparıcısı akademik Nizami Cəfərovu qeyd etdi ki,  " Bayquş və Qarovulçu " müasir  dövrümüzün ən böyük ədəbi hadisədir.  Və millət vəkili İmamverdi İsmayılov bu hekayəni  qələmə almaqla tam fərqli bir  əsər yaradıb. İmza günündə çıxış edən Azərbaycan Milli  Elmlər Akademiyasının prezidenti, akademik İsa Həbibbəyli, BDU- nun  professoru Cahangir Məmmədli, millət vəkilləri Ziyafət Əsgərov, Zahid Oruc,  yazıçı Seyran Səxavət, Yazıçılar Birliyinin katibi Elçin Hüseynzadə  və başqaları İmamverdi İsmayılovun bədii yaradıcılığına yüksək dəyər verdilər.

Onlar qeyd  etdilər ki, bu hekayə ədəbi hadisə yaratmaqla yanaşı, bir daha İmamverdi müəllimin necə böyük şəxsiyyət və səmimi ziyalı olduğunu təsdiq edir. Yazıçı Elçin Hüseynzadə dedi ki, " Bayquş və Qarovulçu" hekayəsi türk dilinə tərcümə olunub, çox gözəl. Yaxşı olar ki, bu hekayə  inglis, alman , fransız, ispan və rus dillərində tərcümə edilsin! Bax  onda Avropa oxucuları da görəcək ki, Azərbaycan  ədəbiyyatında da  böyük yazıçılar var.

İmza günün sonunda millət vəkili, istedadlı yazıçı - publisist İmamverdi İsmayılov çox səmimi çıxış etdi. O dedi ki, bura gələn millət vəkillərinə, dostlara, qələm yoldaşlarıma, bir sözlə, bütün iştirakçılara minnətdarlığımı bildirirəm. Axırda müəllifin imzası ilə  yeni çap edilmiş" Bayquş və Qarovulçu" kitabı tədbir  iştirakçılarına paylandı!!!

Emil Faiqoğlu