Dövlət tikinti normalarında dəyişikliklər edildi

Fövqəladə Hallar Nazirliyi tikinti fəaliyyəti subyektlərinə müraciət edib.
Nazirlikdən Adalet.az-a verilən məlumata görə, ləğv edilmiş Dövlət Tikinti və Arxitektura Komitəsinin (Azərdövləttikintikom) 30 dekabr 1999-cu il tarixli 7 nömrəli Qərarı ilə təsdiq edilib 1 yanvar 2000-ci ildən qüvvəyə minmiş AzDTN 1.6-1* “Tikinti işlərinin təşkili, aparılması və tikintisi başa çatmış obyektlərin istismara qəbulu Qaydaları” Dövlət Tikinti Normaları Fövqəladə Hallar Nazirliyinin müvafiq Qərarı ilə ləğv edilib və ölkə ərazisində hüquqi qüvvəsini itirib.
Nazirliyin digər Qərarı ilə AzDTN 1.6-2* “Tikintinin təşkili” Azərbaycan Respublikasının Dövlət Tikinti Normaları”nda (2015-ci ildən tətbiq edilir) zəruri dəyişikliklər edilib və normalara tikintinin təşkili və aparılması ilə bağlı müxtəlif icra sənədlərinin (aktların, jurnalların və s.) nümunələri daxil edilib.
Qeyd olunanları nəzərə alaraq bildiririk ki, hazırda AzDTN 1.6-2* normaları tikinti işlərinin başlanması, təşkili və aparılması üzrə prosedurları tənzimləyən normativ sənəd olaraq tətbiq edilməkdədir.
Digər Xəbərlər

Ödənilə bilməyən bu borcları dövlət qaytaracaq

İpoteka predmetinin satışı qaydasına dəyişiklik edilir

Tələbkarın əmlakı əldə etməsi qaydası dəyişir

Üzərinə həbs qoyulan əmlakı satmaq üçün 2 ay möhlət veriləcək

Azərbaycanda yeni Palata yaradılır

"Bu göstəriciyə görə dünyada ön sıralardayıq" - Dövlət başçısı

Sahil Babayev: "Strateji valyuta ehtiyatlarımız 74 milyard dolları keçib"
