"Cavanşir" körpüsünün yerində asfaltlanma işlərinə BAŞLANILIB

Azərbaycan Avtomobil Yolları Dövlət Agentliyi “Cavanşir” yol ötürücüsünün yerləşdiyi ərazidə yeni yol infrastrukuturunun yaradılması istiqamətində son vəziyyəti açıqlayıb.
Qurumdan Adalet.az-a verilən məlumata görə, artıq körpünün sökülmüş hissələrinin ərazidən daşınması yekunlaşıb.
Daha sonra ərazidə yararsız qruntun qazılaraq çıxarılması, kommunikasiya xətlərinin köçürülməsi, ardınca əks-dolğu işləri icra olunaraq yeni yol yatağının inşası istiqamətində işlər aparılıb.
Layihəyə uyğun olaraq yol ötürücüsünün yerləşdiyi ərazidə yeni yol əsasının inşası da yekunlaşdırılaraq artıq asfaltlanma işlərinə başlanılıb.
Aparılan işlər həm nəqliyyat vasitələrinin, həm də piyadaların ərazidə rahat hərəkətini təmin edəcək.
Bakının Xətai rayonunun Afiyəddin Cəlilov – Üzeyir Hacıbəyli küçələri istiqamətində yerləşən uzunluğu 202 m, eni 17 m, 12 aşırımdan ibarət olan "Cavanşir" yolötürücüsü dəmiryolu vasitəsi ilə yüklərin qısa zamanda dəniz limanına çatdırılması üçün 1962-ci ildə istismara verilib. Sözügedən ərazidə dəmir yolu şəbəkəsinin ləğv edilməsi ilə körpünün əvvəlki əhəmiyyətini itirməsi, həmçinin yolötürücüsünün yükgötürmə qabiliyyətinin müasir normativ yük təsirinə (A15 və NK 100) cavab vermədiyi nəzərə alaraq təhlükəsizlik baxımından bu qurğunun sökülməsi məqsədəuyğun hesab edilib.
Digər Xəbərlər

Azərbaycanla Çin arasında imzalanmış sənədlərin detalları açıqlanıb

"Enerji effektivliyi fondunun yaradılması işləri başa çatmaqdadır" - Nazir müavini

Aprel ayında baş verən təbiət hadisələri istehsalçılara bu qədər ziyan vurub

Mərkəzi Bank inflyasiya proqnozlarını yenilədi

Vaxtı keçmiş yumurta yeyirik? - "Üzərində heç bir yazı qeyd olunmur"

Azərbaycan neftinin qiyməti 70 dollara yaxınlaşdı

Azərbaycanda unun qiymətləri il bağlı MÜHÜM XƏBƏR
