"Azərbaycan Respublikası BMT-nin Korrupsiya əleyhinə Konvensiyasını, BMT-nin Transmilli Mütəşəkkil Cinayətkarlığa qarşı Konvensiyasını, Avropa Şurasının Korrupsiyaya görə mülki-hüquqi və cinayət-hüquqi məsuliyyətə dair konvensiyalarını ratifikasiya edib və Məkkə Konvensiyasına qoşulmağı planlaşdırır".

Adalet.az-ın məlumatına görə, bu sözləri baş prokuror Kamran Əliyev Bakıda İslam Əməkdaşlıq Təşkilatına (İƏT) üzv dövlətlərin korrupsiyaya qarşı Mübarizə üzrə iclasında bildirib. 

Onun sözlərinə görə, müvafiq qanunvericiliyin effektiv tətbiqini təmin etmək məqsədilə ölkəmiz məhkəmə və hüquq-mühafizə sistemində islahatlar aparıb.

"Ən yaxşı beynəlxalq təcrübəyə uyğun olaraq ixtisaslaşmış antikorrupsiya qurumları yaradılıb. Korrupsiyaya qarşı Mübarizə üzrə Komissiya milli antikorrupsiya siyasətini müəyyən edən qurumdur. Komissiya fəaliyyət planlarını və strategiyaları hazırlayır, həmçinin onların icrasına nəzarət edir".