"Ermənistan özü Qarabağı Azərbaycanın bir hissəsi kimi tanıyıb. Buna görə də, Kollektiv Təhlükəsizlik Müqaviləsi Təşkilatının (KTMT) Bakının daxili işlərinə qarışması yersiz olardı".

Adalet.az xəbər verir ki, bunu Rusiya Prezidenti Vladimir Putin Ermənistanın Baş naziri Nikol Paşinyanla danışıqları zamanı bildirib.

Rusiya lideri qeyd edib ki, Qarabağla bağlı təhlükəsizlik məsələləri həssas olaraq qalır. "Bilirik ki, sizin və həmkarlarınızın Kollektiv Təhlükəsizlik Müqaviləsi Təşkilatına (KTMT) qarşı sualları və şikayətləri olub, hələ də var. "Düşünürəm ki, 2022-ci ildə Praqada Qarabağı Azərbaycanın bir hissəsi kimi tanıdıqdan sonra KTMT-nin bu prosesə müdaxilə etməsi tamamilə yersiz olardı, çünki bu proses daxili Azərbaycan ölçüsü qazanıb. Biz Azərbaycanın daxili işlərinə qarışmalı idikmi?", - deyə Rusiya lideri vurğulayıb.