“Ukrayna ikinci rübün sonuna qədər 90 milyard avroluq kredit çərçivəsində Müdafiə Qüvvələri üçün yerli istehsal dronların alınması üçün 6 milyard avro alacaq”.

Adalet.az xəbər verir ki, bunu Avropa Komissiyasının prezidenti Ursula fon der Leyen deyib.

“Kredit çərçivəsində ilk müdafiə paketi Ukrayna üçün dronların alınmasına xərclənəcək, dəyəri təxminən 6 milyard avro olacaq”, - o bildirib.

Avropa Komissiyasının rəhbəri qeyd edib ki, Rusiya təcavüzünü artırarkən, Avropa İttifaqı da Ukraynaya dəstəyini artırır.

Fon der Leyen xatırladıb ki, bu ayın əvvəlində təsdiqlənən 90 milyard avroluq kredit çərçivəsində Aİ bu rübün sonuna qədər 2026-cı il üçün 45 milyard avroluq ilk tranşı ödəyəcək.