Qeyd edək ki, akademik Ziya Bünyadovun 1500 tirajla nəşr olunmuş əsərinin Qərbi Balkanda nəşri səfirliyin bu sahədə ilk işi deyil. Təkcə son beş il ərzində Belqradda, Novi Sadda, Sarayevoda və Podqoritsada  bir sıra kitablar - "Görkəmli adamların həyatı" silsiləsindən «Heydər Əliyev» və professor Zemfira Səfərovanın «Üzeyir Hacıbəyli» kitabları, Cəlil Məmmədquluzadənin «Seçilmiş əsərləri», Rəsul Rzanın «Rənglər» poeması, Elçinin «Ölüm hökmü», Çingiz Abdullayevin "Balkan opponentləri”, Kamal Abdullanın «Yarımçıq əlyazma» romanları, «Qarabağ həqiqəti», «Erməni soyqırımı: miflər və gerçəklər», «223-cü Qırmızı Bayraqlı Belqrad diviziyası» və s. kimi elmi, tarixi, bədii, sənədli  nəşrlər serb və Çernoqoriya dillərinə tərcümə olunaraq adı çəkilən ölkələrdə geniş yayılıb.