ABŞ Prezidenti Donald Tramp Amerika şirkətlərinə qarşı “ayrı-seçkilik xarakteri daşıyan ticarət siyasəti”ni əsas gətirərək, Kanadadan idxal olunan bəzi məhsullara əlavə 50 faizlik gömrük rüsumu tətbiq ediləcəyini açıqlayıb.

Adalet.az xəbər verir ki, Ağ Evin yaydığı məlumata görə, yeni tariflər avqustun 19-dan qüvvəyə minəcək.

Vaşinqton administrasiyası qərarın ABŞ istehsalçılarını, xüsusilə də avtomobil sənayesini qorumaq məqsədi daşıdığını bildirib.

Qərara əsasən, 1930-cu il Tarif Qanunu çərçivəsində müəyyən Kanada məhsullarına əlavə 50 faizlik rüsum tətbiq olunacaq.

ABŞ administrasiyası bəyanatında Kanadanın tarif sistemini “ayrı-seçkilik yaradan, qeyri-bərabər və əsassız” adlandırıb. Vaşinqton hesab edir ki, bu siyasət Amerika şirkətlərinin rəqabət qabiliyyətini zəiflədir və ölkənin iqtisadi maraqlarına ziddir.