ABŞ prezidenti Donald Tramp Tehranla danışıqlar aparmaq üçün ölkə ordusuna İranın enerji obyektlərinə hücumları beş gün təxirə salmağı əmr edib. 

Adalet.az xəbər verir ki, Ağ Ev rəhbəri bu barədə sosial media hesabı olan "Truth Social"da məlumat verib.

"ABŞ və İran son iki gündə "Yaxın Şərqdəki hərbi əməliyyatlarımızın tam və hərtərəfli həlli" ilə bağlı "çox yaxşı və məhsuldar danışıqlar" aparıblar. Həftə ərzində davam edəcək bu dərin, ətraflı və konstruktiv danışıqların xarakteri və tonuna əsasən, Müdafiə Nazirliyinə İran elektrik stansiyalarına və enerji infrastrukturuna qarşı istənilən hərbi hücumu beş gün təxirə salmağı tapşırdım”, - deyə o yazıb.