Bu gün Gürcüstan parlamentində “Xarici təsirin şəffaflığı haqqında” mübahisəli qanun layihəsi müzakirəyə çıxarılacaq.

Məlumata görə, bu səbəbdən parlamentə ziyarətçilərin girişi məhdudlaşdırılacaq - sarı təhlükəsizlik səviyyəsi tətbiq ediləcək.

“Parlamentin planlaşdırılmış tədbirlərinə (o cümlədən komitə iclaslarına) yalnız müvafiq struktur bölmələri tərəfindən dəvət olunmuş şəxslər buraxılacaqlar... Bu tədbirlərin məqsədi Gürcüstan Parlamentinin Sarayında iş və təhlükəsiz mühiti təmin etməkdir”, - deyə məlumatda bildirilir.