“Tehran yardım adı ilə əhaliyə arxalarındakı dövlətin Azərbaycan yox, İran olması təbliğatını aparıb. Azərbaycan iqtisadi baxımdan inkişaf etdikdən sonra 2011-ci ildə qurumun qeydiyyatını ləğv etdi. Azərbaycanda fəaliyyət göstərdiyi 20 il ərzində bu qurum məcburi köçkünlərlə yanaşı, selektiv şəkildə Qarabağda şəhid olmuş şəxslərin ailələrinə də yardım göstərərək onları ön plana çıxarmağa çalışırdı”.

Adalet.az xəbər verir ki, bunu politoloq Əziz Əlibəyli deyib. 

O, bildirib ki, rəsmi açıqlamalara görə, İran tərəfi Azərbaycanda həyata keçirdiyi humanitar layihələrə 20 il ərzində 43 milyon ABŞ dolları vəsait sərf etdiyini bildirir:

“Lakin tarix göstərdi ki, xərclənən bu vəsait azərbaycanlıların humanitar vəziyyətini yaxşılaşdırmaqdan daha çox, qaçqınlar arasında Azərbaycan dövlətinin deyil, İranın təbliğatının aparılmasına və İranın xilaskar dövlət obrazında qəbul etdirilməsinə xidmət edib. Tabutlarla məcburi köçkün düşərgələrinə soxulan İran humanitar yardım adı ilə əhaliyə əslində arxalarındakı dövlətin Azərbaycan yox, İran olması təbliğatını aparıblar”.

Vasif ƏLİHÜSEYN