Zərdabda baş verən qəzada ölənlərdən ikisi sürücünün 3 və 14 yaşlı qızlarıdır.

Adalet.az-ın xəbərinə görə, vəfat edən daha bir uşaq isə sürücünün yaxın qohumunun 4 yaşlı qızıdır.

***

Zərdabda baş verən qəzada ölənlərin sayı 3-ə çatıb.

Adalet.az xəbər verir ki, səhər saatlarında daha 1 nəfər ölüb.

***
09:28 
Zərdabda ağır yol-nəqliyyat hadisəsi baş verib.

Adalet.az Daxili İşlər Nazirliyinin  məlumatına istinadən xəbər verir ki, avqustun 9-da axşam saat 11 radələrində Ağcəbədi rayon sakini Niyaməddin Quliyev idarə etdiyi "VGV U75 Plus" markalı avtomobillə Kürdəmir-Zərdab yolu istiqamətində hərəkətdə olan zaman idarəetməni itirib və avtomobil yoldan çıxaraq aşıb.

Hadisə nəticəsində nəqliyyat vasitəsində olan iki nəfər ölüb, sürücü və digər 6 nəfər sərnişin isə müxtəlif dərəcəli bədən xəsarətləri alıblar.

Faktla bağlı araşdırmalar aparılır.