adalet.az header logo
  • Bakı 4°C
  • USD 1.7
28 Noyabr 2022 13:00
114
GÜNDƏM

Zelenskidən xəbərdarlıq: ” Terrorçular yeni hücuma hazırlaşır, çətin həftə olacaq”

Prezident Vladimir Zelenski Rusiya-Ukrayna müharibəsindəki son durumla bağlı xalqına xəbərdarlıq edib.


Adalet.az ukr.news- ə istinadən xəbər verir ki, Zelenski yenə də ən ağır toqquşmaların Donetsk cəbhəsində baş verdiyini deyib. Ukrayna prezidenti bildirib ki, Rusiyanın ötən həftə Ukraynada mülki və kritik enerji infrastrukturlarını bombaladı. Bunun nəticəsində ölkədəki enerji problemləri yarandı. Məsələnin həlli üçün ciddi səylər göstərildiyini açıqlayan Zelenski xalqına bu sözlərlə xəbərdarlıq etməyi də unutmayıb:”Cəbhədə vəziyyət olduqca ağırdır. Terrorçular yeni hücumlar hazırlayırlar. Biz bunu dəqiq bilirik. Və nə qədər ki, raketləri var, sakitləşməyəcəklər”.


Qeyd edək ki, Ukrayna qoşunlarının Xersonu azad etməsinə baxmayaraq, Rusiya şəhəri artilleriya atəşinə tutmağa davam edir. Təkcə dünən - noyabrın 27-də ərazidə 54 atəş hadisəsi qeydə alınıb. Hətta dünya mediası Ukrayna ordusunun noyabrın 25-də Donetsk vilayətinin Artyomovsk rayonu ərazisində gedən döyüşlərdə ciddi itkilər verdiyini yazır.

 Əntiqə Rəşid