Şuşam, səni, üzünü görməsəm də,

Xan əminin gur səsindən tanıram!

Üzeyirin, ürək kimi döyünən,

bəstəsindən, nəğməsindən tanıram!

Yad deyiləm, mən də sənin balanam,

hər ağrını, hər dərdini alanam!

Zaman-zaman atəşinə qalanan,

oğulları nəfəsindən tanıram!

İllərdir, sərvətin yağma-yağmadı,

Ömrümüzə sənsiz Günəş doğmadı!

Yurdumuzun hər qarışı doğmadı,

Qarabağı Şuşasından tanıram!

19.10.2020