adalet.az header logo
  • Bakı 4°C
  • USD 1.7
18 Noyabr 2022 11:26
381
İQTİSADİYYAT

Yaşayış minimumu və ehtiyac meyarının həddi I oxunuşda qəbul olundu

Milli Məclisin bu gün keçirilən iclasında “2023-ci il üçün yaşayış minimumu haqqında” qanun layihəsi I oxunuşda müzakirəyə çıxarılıb.

Adalet.az xəbər verir ki, qanun layihəsinə əsasən, 2023-cü il üçün yaşayış minimumu ölkə üzrə 246 manat, əmək qabiliyyətli əhali üçün 261 manat, pensiyaçılar üçün 199 manat, uşaqlar üçün 220 manat məbləğində müəyyən edilib.

Həmçinin iclasda “2023-cü il üçün ehtiyac meyarının həddi haqqında” qanun layihəsi birinci oxunuşda müzakirəyə çıxarılıb.

Ünvanlı dövlət sosial yardımının təyin edilməsi məqsədilə 2023-cü il üçün ehtiyac meyarının həddi 246 manat məbləğində nəzərdə tutulur.

Müzakirələrdən sonra hər iki qanun layihəsi səsverməyə çıxarılaraq I oxunuşda qəbul edilib.