Yaponiyanın baş naziri Siqeru İsiba NATO-nun Haqada keçiriləcək samminində iştirak etməmək variantına baxır.

 NHK telekanalının mənbələrinə əsasən verdiyi məlumatlara görə, baş nazirin Sammitdən imtina etmə səbəblərindən biri də, Yaxın Şərqdəki vəziyyət və ABŞ-ın İranın nüvə obyektlərinə zərbələr endirməsidir.

 Həmçinin səbəblərdən biri də, çox güman ki, ABŞ prezidenti Donald Trampın sammitdə iştirak etməməsi ola bilər. Güman edilir ki, sammitdə Yaponiyanı XİN-nin rəhbəri Takesi İvaya təmsil edəcək.

 Bildirilir ki, sammitin proqramı məhdudlaşdırılıb və Ukrayna böhranının  müzakirəsi gündəlikdən çıxarılıb. 

 Rüstəm Hacıyev