"Astarada dünən toyu olan 17 yaşlı gəlin bu gün ölüb. Məlumatı oxuyub yaxşı düşünmək də olmur. Gəlinin hamilə olduğu bildirilib. Əvvəla, gənc bir qızın ölümü hamı kimi məni də üzür". 

Adalet.az xəbər verir ki, bunu hüquqşunas Müşfiq Abbasov deyib. 

"Ölümün səbəbini bilmirəm. Bu mütləq aydınlaşdırılmalıdır. Amma mənə görə həmin qızı elə öz valideynləri "öldürüb". Aydın məsələdir ki, qızı yetkinlik yaşına çatmadan ərə verməkdə də məqsəd onun hamiləliyini gizlətmək olub. Amma görünür ki, bu çıxış yolu deyilmiş...bu fakta görə mütləq cinayət işi qaldırlmalı, qızın kimlə və nə vaxt cinsi əlaqədə olması, zorakılıq və s. xüsusatlar ciddi şəkildə araşdırılmalıdır. Deyəndə ki, bu ölkədə ən tez pozulan şey əxlaqdır, çoxu bunu ciddiyə almır. Əxlaqın pozulması sonda bu cür faciələrə gətirib çıxarır. Valideyn məsuliyyətsizliyi, uşaqların internet audəçiliyi, təhsilsizlik və yanlış müasirlik anlayışı gələcəyimizi məhv edir", - deyə o bildirib. 

Vasif ƏLİHÜSEYN