“Tiktok” platformasında köhnə xəbəri təzə imiş kimi ictimaiyyətə təqdim edərək guya Müdafiə Nazirliyinin daha beş min nəfərə veteranlıq verəcəyi bildirilir. Bunun nə qədər doğru olub olmaması ilə bağlı redaksiyamıza bir qrup Vətən müharibəsi iştirakçısı müraciət edib. 

Adalet.az-ın əməkdaşı məsələni dəqiqləşdirmək üçün hərbi ekspert Ədalət Verdiyevə müraciət edib. 

Hərbi ekspert bildirib ki, bu təzə xəbər deyil:

“Sosial şəbəkələrdə beş min nəfərə veteranlıq adının verilməsi ilə bağlı paylaşılan video material həqiqəti əks etdirmir. Bu məlumatlar üç il əvvələ aiddir. Lakin təəssüflər olsun ki, hələ də Azərbaycanda bu tip şəxslər tapılır ki, köhnə məlumatların üzərinə yeni məlumatları yazmaqla onları əhalimizə təqdim edirlər. Bu tamamilə yanlış addımdır və mənəviyyatdan, şərəfdən və ləyaqətdən uzaq bir davranışdır”. 

Vasif ƏLİHÜSEYN