Ümumdünya Səhiyyə Təşkilatı (ÜST) beynəlxalq səyahətlərə tam qadağanın tətbiqinin koronavirusun yayılmasının qarşısını ala bilməyəcəyini bəyan edib.

“Hərtərəfli səyahət qadağası koronavirusun beynəlxalq miqyasda yayılmasının qarşısını almayacaq, lakin bu, həyat və dolanışıq vasitələri üçün ağır çətinliklər yaradacaq”, - deyə təşkilatdan bildirilib.

Yeni “omikron” ştammının tapılması ilə əlaqədar ÜST ölkələrə risklərin düzgün qiymətləndirilməsi və yalnız sübut olunmuş məlumatlar əsasında səyahət qadağaları tətbiq etməyi məsləhət görüb.