“Ürəkaçan heç nə yoxdur, kikkildəyə-kikkildəyə aşıq olar?”
Xəbər verdiyimiz kimi bu gün tanınmış aşıq Aşıq Əhlimanın doğum günüdür. Onun 67 yaşı tamam olur.
A.Əhliman Adalet.az-ın əməkdaşıyla söhbəti zamanı keçirdiyi ağır ürək əməliyyatından sonra sənətindən də uzaq düşdüyünü bildirib:
“Təbrikiniz üçün çox sağ olun. Doğum günümü elə evdə doğmalarımla birlikdə qeyd edəcəm. Ürəkaçan heç nə yoxdur, kikkildəyə-kikkildəyə aşıq olar? O sazlı-sözlü vaxtlarım getdi. Bu həyatda can sağlığından şirin başqa heç nə yoxdur. Sizlərə də can sağlığı arzu edirəm. Çalışın özünüzü qoruyun, qalan şeylər düzələcək”-deyə aşıq bildirib.
Qeyd edək ki, Aşıq Əhliman 9 mart 1955-ci ildə Ucar rayonunun Bərgüşad kəndində anadan olub.
Vasif Əlihüseyn