Türkiyəli deputatlar “Fəxri ağsaqqal” nişanı ilə təltif olundu

Oktyabr ayının 14-də Türkiyə Böyük Millət Məclisinin (TBMM) Azərbaycan Ağsaqqallar Şurasının rəhbərliyi ilə görüşüblər.
Şuradan Adalet.az-a bildirilib ki, görüşdə Azərbaycan Ağsaqqallar Şurasının sədri, Milli Məclisin deputatı professor Eldar Quliyev iki qardaş ölkə, o cümlədən dövlət başçıları İlham Əliyev və Rəcəb Tayyib Ərdoğan arasında mehriban dostluğun, qardaşlıq münasibətlərinin, yüksəksəviyyəli səfərlərin və qarşılıqlı etimadın əlaqələrimizin gündən-günə yüksələn xətlə daha da inkişaf etməsində mühüm rol oynadığını deyib. Vətən müharibəsindən sonra azad olunmuş ərazilərimizdə böyükmiqyaslı bərpa-quruculuq işlərinin aparıldığını, həmvətənlərimizin mərhələli şəkildə öz doğma yurdlarına qayıtdıqlarını qeyd edən E.Quliyev Azərbaycanın bu haqq-ədalət savaşında ölkəmizə ən böyük dəstək verən ölkənin qardaş Türkiyənin olduğunu bir daha xatırladıb. O, həmçinin Şimali Kipr Türk Cümhuriyyəti ilə yaxın münasibətlərdən söz açıb.
Sonra Azərbaycanla Türkiyə arasında dostluq, qardaşlıq və əməkdaşlıq əlaqələrinin möhkəmləndirilməsindəki xidmətlərini və Türk dünyasında ağsaqqallar institutunun inkişafına verdiyi töhfələrə görə TBMM-in üzvlərinə - Türkiyə-Azərbaycan parlamentlərarası dostluq qrupunun rəhbəri Şamil Ayrıma, Milli təhsil, mədəniyyət, gənclik və idman komissiyasının sədri Mahmud Özərə, Türkiyə-Şimali Kipr Türk Cümhuriyyəti parlamentlərarası dostluq qrupunun rəhbəri Orhan Erdemə “Fəxri ağsaqqal” döş nişanları təqdim edilib.
Türk deputatlar onlara göstərilən yüksək diqqət və etimada görə minnətdarlıqlarını bildirib, Azərbaycanla Türkiyə arasındakı dostluq-qardaşlıq münasibətlərinin daim inkişafı üçün bundan sonra da əllərindən gələni əsirgəməyəcəklərini qeyd ediblər.
Digər Xəbərlər

"Onunla birlikdə Türkiyə üçün canımızı ortaya qoymuşuq"

Ərdoğan: Biz terror təşkilatını fəaliyyət imkanından məhrum etdik

Ərdoğandan “Terrorsuz Türkiyə” şərhi

Rusiya Polşaya nota verdi

ABŞ Dövlət Departamenti 1300-dən çox diplomatı işdən çıxarır

Ankarada FETÖ-nün maliyyə şəbəkəsinə zərbə: 16 nəfərə həbs qərarı

"Rusiya qələbəyə yaxınlaşır, Ukrayna uduzdu" - Orban
