Türkiyə Azərbaycana görə Ermənistanla danışıqları təxirə saldı

“Sentyabrın 14-də sərhəddə Türkiyə və Ermənistanın müvafiq idarələrinin nümayəndələri arasında iki siyasi sazişin icrasını müzakirə etmək üçün görüş keçirilməli idi. Lakin həmin vaxt Ermənistan-Azərbaycan sərhədində baş vermiş toqquşmalara görə Türkiyə tərəfinin istəyi ilə görüş təxirə salındı”.
Ermənistan KİV-in məlumatına görə, bu sözləri Ermənistan parlamentinin vitse-spikeri, Ermənistan və Türkiyə arasında normallaşma istiqamətində danışıqlar üzrə xüsusi nümayəndə Ruben Rubinyan deyib.
R.Rubinyan Türkiyənin xüsusi nümayəndəsi Sərdar Kılıç ilə sonuncu görüşünün iyulun 14-də keçirildiyini xatırladıb.
Onun sözlərinə görə, görüşün hansı müddətə qədər təxirə salındığı barədə dəqiq tarix yoxdur.
Digər Xəbərlər

Ölkəmizə qarşı aparılan dezinformasiya kampaniyasına dair AÇIQLAMA

Zelenski Səfərov qardaşlarının qətlinə görə Prezidentə başsağlığı verdi

Azərbaycan Rusiyaya NOTA VERDİ
