ABŞ prezidenti Donald Tramp Çin prezidenti Si Cinpinlə görüşdə Ukraynada nizamlanmanı müzakirə edəcəyini bildirib.

Adalet.az xəbər verir ki, bu barədə Ağ Ev məlumat yayıb. 

Bildirilir ki, Tramp Çinin Rusiya ilə münasibətdə Amerika tərəfinə yardım etməsini istəyəcək.  Ağ Ev rəhbəri izah edib ki, ABŞ administrasiyası Moskvaya qarşı geniş sanksiyalar tətbiq edib və Vaşinqton bu məsələdə Çindən kömək istəyir.

Bundan əvvəl Çin Xarici İşlər Nazirliyinin sözçüsü Quo Jiakun bəyan etmişdi ki, Rusiya prezidenti Vladimir Putinə təzyiq Ukraynada münaqişənin həllinə gətirib çıxarmayacaq. Diplomatın fikrincə, məcburiyyət və təzyiq problemi həll etmək iqtidarında deyil.