adalet.az header logo
  • Bakı 14°C
  • USD 1.7
02 Fevral 2023 13:15
246
SİYASƏT

TƏKCƏ AVROPA PARLAMENTİ DEYİL, ELƏ HAMI İKİÜZLÜDÜR

Heyvan hüquqlarını müdafiə edən bir xanım Sibirdən bir inək alıb gətirib Kremlin qabağına bağlayıb. Bundan əvvəl də bir qoyunu və bir də Allahın xoşuna gəlməyən bir heyvanını Berlində, deyəsən hökumət evinin qabağına bağlayıbmış. Tələbi də budur ki, insanlar Allahın yaratdığı bu heyvanların ətini yeməsinlər. Dünya televiziyaları xanımın bu hərəkətini yüksək qiymətləndirərək vurhavur yayımlayırlar.

Bizim ekoaktivistlər iki aya yaxındır ki, Laçın-Xankəndi yolunda nümayiş keçirirlər ki, ermənilər Qarabağda meşələri kəsir, torpaqları erroziyaya uğradır, yeraltı sərvətlərimizi istismar edir, bir sözlə, ekologiyanı məhv edirlər.

Əgər Avropanın bir ölkəsində ekoaktivistlər belə bir tədbir keçirsə bütün ölkələrdəki ekoaktivistlər yığışıb ora gələrlər və dəstək verərlər.

Amma görürsünüz, hələ ki Avropadan, elə dünyadan da səsimizə səs verən yoxdur. Yəni təkcə Avropa parlamenti deyil, beynəlxalq təşkilatların çoxu ikiüzlüdür.

İnanırıq ki, ekoaktivistlərin tələbləri yerinə yetiriləcək. Ruhdan düşmək lazım deyil.

Qaldı heyvanların hüquqları… Allah bu dünyada nə yaradıbsa hamısını İnsan üçün yaradıb. Təbiəti də, dağları da, çayları da, çiçəkləri də, inəyi də, qoyunu da, maralı da, lap elə ceyranı da, cüyürü də.