İstərəm,yaradan sənə yar olsun,

Həyatın xoş olsun,bəxtiyar olsun.

Yaman günlərinin ömrü qar olsun,

Mən səni bəxtəvər görmək istərəm.

******

Bütün çətinliklər görüm yox olsun,

Xoş günlər başlasın,sayı çox olsun.

Ürəyin sevinclə tam ortaq olsun,

Mən səni bəxtəvər görmək istərəm.

******

Qəm-kədər yox olsun,izi qalmasın,

Dərdlərin kül olsun,közü qalmasın.

Dərdin adı qalsın,özü qalmasın,

Mən səni bəxtəvər görmək istərəm.

******

İstərəm,gözlərin gülsün hər zaman,

İstərəm,çöhrəndən yox olsun duman.

Səni qəmli görsəm,ölərəm o an,

Mən səni bəxtəvər görmək istərəm.

******

Mən haqq aşiqiyəm,haqqın yarıyam,

Səninlə dünyanın bəxtiyarıyam.

İstərəm,həmişə haqdan yarıyam,

Mən səni bəxtəvər görmək istərəm.

******

Sən gözəl Allahın xoş bəndəsisən,

Bütün ümüdlərin qalib səsisən.

Sonunda qələbə çalan dərsisən,

Mən səni bəxtəvər görmək istərəm.

******

Sağlığı Tanrıdan sən mükafat al,

Şüşə tək büllur ol,ucalıqda qal.

Hər zaman qalib ol,sən qələbə çal,

Mən səni bəxtəvər görmək istərəm.

******

Şeirin müəllifi:Dünya Qarabağlı-Azərbaycan Texniki Universitetinin Beynəlxalq Biznesin İdarə edilməsi ixtisasının magistratura tələbəsi.