İndi yerindən duran deyir ki, mən həkiməm! Və insanlar da bəzən onlara inanır, xidmətindən istifadə edir, sonra da çıxılmaz vəziyyətə düşür; ya ölür, ya da ömürlük şikəst olur.

Ona görə də, həkimə getməmişdən əvvəl həmin həkimin diplomu olmasını, savadını və eləcə də, cəmiyyətdə tanınıb- tanınmasına diqqət yetirmək lazımdir. Bununla yanaşı, həkimin sertifikatının olması da önəmlidir. Əgər bunları dəqiqləşdirsəniz, onda başınıza yüz oyun gəlməz! Bu yaxınlarda cavan oğlan sosial şəbəkədə bir həkimlə tanış olur. Oğlan deyir ki, mən ağıl dişimi çıxartdırmaq istəyirəm.

Hansı ki, bu əməliyyat çox mürəkkəb işdir. Onu üz- çənə cərrahı əməliyyat eləməlidir. Sosial şəbəkədə olan həkim isə deyir ki, narahat olma , elə bu , bizim işimizdir.Oğlan gedir həkimin yanına,həkim də onun dişini çəkərkən səhv yol verir və xəstəni qan axması tutur! Xəstə ölümcül vəziyyətə düsür.Və başqa üz- çənə cərrahı onu ölümdən xilas edir.

Sonradan aydın olur ki, cavan oğlanın birinci dəfə dişini çəkən həkimin heç diplomu yoxmuş.Bax belə " həkim" lər də var! Ona görə , həkimə gedərkən diqqətli olmalı, " mən həkiməm"-deyən hər adama inanmamalısınız! Və hər diş çəkən yaxşı  stomatoloq deyil!!!

Emil Faiqoğlu