Artıq xeyli vaxtdır ki, ölkəmizdə  kəskin respirator viruslar yayılıb.

Təbii ki, havanın qış mövsümünə uyğun olmayaraq mülayim keçməsi,  qarın yağmaması  və şaxtanın düşməməsi bu xəstəliyin  geniş yayılmasına münbit şərait yaradır. Bununla yanaşı, insanların sanitar- gigyenik qaydalara əməl etməməsi,metoda, avtobusda qoruyucu maskalar  vurmaması  istər- istəməz  virusun tüğyan etməsinə təkan verir.

Bunlar hamısı aydındır. Amma aydın olmayan odur ki, TƏBİB və  Səhiyyə Nazirliyi bildirir ki, epidemioloji şəraiti nəzarət edilir və xəstəlik- yeni qrip bir o qədər də təhlükəli deyil. Əgər bu, təhlükəli deyilsə, niyə  Yeni Klinikaya  təcili tibb yardım maşını ilə aparılan ağır xəstə  qəbul edilmir?! Və klinikadan deyilir ki, bizdə yer yoxdur.Eləcə də  digər xəstəxanalarda  da xəstələrə bu sözlər deyilir. Pandemiya  dövründə də belə idi:adamın, tanışın , pulu yox idisə, sən qəbul etmirdilər " yerimiz yoxdur"- deyirdilər.

O vaxt Yeni Klinikanın və Fövqəladə Hallar Nazirliyinin  Zığdakı  modul tipli xəstəxananın  baş  həkimini həbs etdilər. Və bir müddətdən sonra Yeni Klinikanın baş həkimi azadlığa çıxdı. Və bu gün də həmin klinikada heç nə dəyişməyib: köhnə hamam, köhnə tasdır". İndi də virusa yoluxanların sayı günbəgün artır. Bəs nə etməli? Əhali maarifləndirilməli və ölkədə epidemioloji şərait nəzarətdə saxlanılmalıdır. Deyilənlərə görə, Bakıda  reanimasiya şöbələrində yer  yoxdur.

Bu, nə dərəcədə həqiqətə uyğundur, onu aidiyyatı  qurumlar daha yaxşı bilər.  Ancaq  indiki durum onu göstərir ki, qrip virusunun  sürətlə yayılması çox təhlükəlidir.Təəssüf ki, buna xəstəxanalar və həkimlər tam hazır deyil. Və nə vaxta qədər ki, iki qurum- TƏBİB  və Səhiyyə Nazirliyi var, elə belə də olacaq!

Emil Faiqoğlu