Artıq qış gələndən , havalar soyuyandan  müxtəlif virusların inkişaf üçün münbit  şərait yaranıb.

Təbii ki, qışda xəstəliklərin yayılması daha çox təhlükə  törədir. İnsanlar isə birmənalı olaraq bu cür xəstəliklərə  biganə yanaşır, özlərini qorumurlar.  İndi də. mənşəyi bilinən və bilməyən müxtəlif qrip virusları  tüğyan edir. Kəskin respirator virus aydındır ki, insanların səhhətində daha ciddi problemlər yaradır. Bu xəstəlik həkimlərin dediyinə görə, üç  gün yüksək hərarətlə keçir , hətta temperatur 42 dərəcəyə qədər yüksəlir.

Aydındır ki, belə bir durumda xəstələr mütləq həkimə müraciət etməlidir. Yaxud da  ev şəraitində müalicə olunmalı, insanlarla ünsiyyətdən çəkinməlidirlər. Əgər insanlar vaxtında  müalicə olunmazsa, bunun sonradan ağır fəsadları ola bilər.  Yəni sətəlcəm olmaq təhlükəsi mövcuddur.Artıq ölkəmizdə iki uşaq yüksək hərarətdən  ölüb. Çox təəssüf ki, bu təhlükəli xəstəliklə bağlı əhali yetərincə maarifləndirilmir.  Televiziya kanalları hər cür səviyyəsiz verilişlərə vaxt ayırır, amma insanların maariflənməsinə  bir süjet belə yardım etmir.

Reklam olunan həkimlərdən savayı, xəstəliyin tüğyan etdiyi günlərdə, savadlı həkimləri televiziyalara dəvət etmirlər ki, onlar insanların xəstəliklərdən qorunması ilə bağlı məsləhət versinlər. Xəstə olan insanlar metroda, avtobusda maska taxmır, hətta asqıranda  belə əlləri ilə ağzını tutmur. Burdan belə bir nəticə çıxır ki, hələ bu virus çox yayılacaq. Risk qrupuna daxil olanlar və uşaqların özlərini qorumaqdan başqa çıxış yolları qalmır.

Bu çıxış yollarından biri də   belə  insanların qripə qarşı peyvənd edilməsidir. Çünki xronik xəstəliyi olan insanlar peyvənd olunanda  ya qripə tutulmur, ya da tutulsa , yüngül keçirir! Beləliklə, soyuq havalar davam etdikcə, qrip də bizdən əl çəkməyəcək. Bundan  xilas olmağın yeganə yolu isə sanitar-gigiyenik qaydalara əməl etmək, kütləvi yerlərdə, metroda, avtobusda olarkən maska taxmaqdır!!!

Emil Faiqoğlu