Bizim ölkəmizdə bir Tarif Şurası var, ancaq öz mənafeyini düşünməklə məşğuldur.

Yəni axşam yatıb səhər oyanıb görürsən  ki, bütün kommunal  xidmətlər bahalaşıb. Heç bu millət Tarif Şurasından yaxşı bir şey görməyib, ancaq xalqın ziyanına onların çıxardığı qərarları görüb. Ölkə Prezidenti cənab İlham Əliyev xalqın qayğısına qalır, pensiyanın, təqaüdün, müavinətlərin  artılması ilə bağlı sərəncam imzalayır. Ona görə də bu xalq cənab Prezident  çox istəyir. Tarif Şurası isə  Yeni ildə əhaliyə sürpriz edərək  işığın, qazın, suyun, istiliyin qiymətini qaldırdı.

 Bu addımı atmaqla  məlum qurum millətin belin qırdı. Və bu da əhalinin əsəblərı   ilə oynamaqdan  başqa şey deyil! Xüsusilə də  istiliyin qiymətinin 15 qəpikdən, 30 qəpiyə qaldırılması çox böyük narazılığa  səbəb olub. Heç abonentlər  15 qəpikdən olan borcları verə bilmir. Mənim əlimdə siyahı var, bizim binada yaşayan sakinlərin 60 faizi istilik borcunu ödəməyib.

Hələ elə abonent var ki, bu borc 400- 500 manatı keçib. Bəs belə olduğu halda  kvadratı 30 qəpiyə olan istilik borcunu onlar neçə ödəyəcəklər?! Bax əsas məsələ də elə budur! Və burda , deyəsən  xoruzun qiyməti görünür. Deməli, qiymətlər qalxarkən əhalinin mövcud maddi durumu nəzərə alınmayıb! Tarif Şurasının addımı isə insanların narahatlığına və narazılığına səbəb olub!

Emil Faiqoğlu