Elə xəstələr var ki, dövlət tərəfindən onların dərmanı pulsuz verilir. Çox sağolsun dövlətimizi ki, xəstə insanlara  belə yüksək səviyyədə qayğı göstərir.

Ümumiyyətlə, Azərbaycan dövləti bütün  sahələrdə öz vətəndaşlarına arxa durur.Çox təəssüf ki,  imyiyazlı xəstələrə xidmət edən  bəzi apteklər öz yarıtmaz  fəaliyyəti ilə bu humanist əməllərə kölgə salır.Bunu camaat deyirdi, amma biz bir o qədər də deyilənlər inanmırdıq.Elə oldu ki, imtiyazlı xəstə kimi biz də həmin hüquqdan istifadə etməli olduq və gördüklərimiz bizi təəccübləndirdi. Belə ki, həkimin verdiyi pulsuz reseptlə dekabrın  5- də Qaraçuxurdakı aptekə getdik. Resepti verdik , aptekdə işləyən xanım əsəbi halda dedi ki, bu dərmanların heç biri yoxdu. Dörd dərmandan biri-" Tizersin" heç vaxt olmur, o biri üçü də indi yoxdu, dekabrın 15- də olmalıdir.

 " Ay xanım, bəs onda  dekabrın 15- nə kimə biz  nə edək! Axı hər gün dərmanları qəbul  edirik."  Xanım çox fikirləşmədən dedi:" Eşitmədiniz? Mən sözümü sizə çatdırdım. Gedin, Maştağadakı aptekə" - deyib kobudcasına bizə cavab verdi. Oradan Maştağaya yollandıq.İmtiyazlı aptekə gəlib, dərmənların olub- olmadığını soruşduq. Aptekin müdiri Kamran müəllim dedi ki, sizin dərmanım üçü var, amma " Tizersin" yoxdu. Dekabrın  12 - də olacaq.  

Telefon nömrəmi verim, bizimlə əlaqə saxlayarsını, olan kimi gəlib apararsınız.Yenə Kamran müəllimi çox sağolsun , bizimlə nəzakətlə davrandı. Maştağa gedib- qayıtmaq üçün iki saat vaxt sərf elədik. Biz niyə şəhərdən durub ,  dərman almaq üçün Maştağaya getməli, vaxt itirməli və əlavə yol pulu xərcləməliyik.Səhiyyə Nazirliyi zəhmət çəkib  şəhərin bir neçə  yerində imtiyazlı apteklər açmalıdir ki, xəstə adamlar əlavə əziyyət çəkib, Maştağa gedərək dərman almasınlar. Və bir də apteklər o dərmanları lazım olan vaxtda xəstələrə versinlər!!!

Emil Faiqoğlu