Bakı şəhərində hərəkətin təhlükəsizliyini təmin etmək, yol polisinin üzərinə düşər. Əlbəttə, yol hərəkəti qorunursa, baş verə biləcək  qəzaların da qarşısı alınmış olur.

Bu mənada Bakı Şəhər Dövlət Yol Polisi İdarəsinin beşinci tağımın əməkdaşları fərqlənirlər.Onlar sərxoş, kobud qayda pozuntularına yol verən,  avtoxuliqanlıq edən, ötmə əməliyyatını düzgün yerinə yetirməyən, texniki cəhətdən nasaz avtomobili idarə edən, təhlükəsizlik kəmərindən istifadə etməyən sürücülərə qarşı ciddi mübarizə  aparırlar! Beşinci tağımın komandiri Nurlan Əliyev deyir ki,  ölkəmizdə  noyabrda  keçiriləcək beynəlxalq tədbirlə əlaqədar olaraq üzərimizə məsul vəzifələr düşür.İlk növbədə ona çalışırıq ki,  yol hərəkəti qaydalarını yüksək səviyyədə təmin edirik.

Son vaxtlar avtobus dayanacaqlarını zəbt edən və dayanma, durma qaydalarını pozanlara qarşı daha güclü mübarizə aparırıq. Bizim məqsədimiz sürücüləri cərimə etmək deyil, onları maarifləndirməkdir.Ona görə də hər bir sürücü qanunlara hörmətlə yanaşmalı, yol polisinin tövsiyələrinə əməl etməlidir!

Emil Faiqoğlu