Bu gün ölkəmizdə insanların sağlamlığı üçün dövlət çox böyük işlər görür.

Və bundan da  əhali razılıq edir. Belə  işlərdən biri də İcbari Tibb Sığortadır. El dilində demiş olsaq əvvəllər hər hansı cərrahiyyə əməliyyatına xəstə bir ətək pul ödəyirdi. İndisə əksər cərrahiyyə əməliyyatları pasiyentlər üçün pulsuz başa gəlir.Amma xəstələr müxtəlif müalicə ocaqlarına gedərkən  İcbari Tibbi Sığorta alarkən olmazın əziyyətin çəkirlər.

Məsələn, mənim bir dostum gözündən əməliyyat olunmaq üçün Suraxanı Tibbi Mərkəzindən göndəriş olmaq üçün günlərlə vaxt itirib. Axırda da   min bir çətinliklə göndərişi əldə edib.Ümimuyyətlə, pasiyent lər İcbari Tibb Sığorta alarkən  poliklinika və tibb mərkəzlərndə   süründürülür, incidilir və get - kələ salınır.Bu isə böyük narazılıqlara gətirib çıxarır.

Ona görə də hər hansı xəstəxanada əməliyyat aparılarkən İcbari Tibb Sığortanı da onlar özləri həll etməlidir ki, insanlar günlərlə vaxt itirməsin, bu xəstəxanadan  o xəstəxanaya  qaçmasın. Yəni bir sözlə, bu işlərî elə tənzimləmək olar ki,  pasiyentlər İcbari Tibb Sığortanı asanlıqla ala bilsin. Həmin işləri isə TƏBİB  görməlidir.TƏBİB isə hələ ki, bu işlərin öhdəsindən gələ bilmir!

Emil Faiqoğlu