Qeyri-sabit hava şəraiti ilə əlaqədar olaraq respublikanın avtomobil yollarında da  müəyyən çətinliklər yaranır.

Çünki sel suları bəzən bu yerlərə də ziyan vurur və asfalt  yolları basır. Belə vəziyyətdə heç şübhəsiz nəqliyyat vasitələrinin hərəkəti də çətinləşir. Belə qeyri-sabit havalarda bağlı  yol polisi sürücülərə xəbərdarlıq edir, onlara daha diqqətli olmaları tövsiyə olunur.

Baş Dövlət Yol Polisi İdarəsinin ictimaiyyətlə əlaqələr şöbəsinin inspektoru  Elvin Hacıyev bildirir ki, ümumiyyətlə, yay aylarında , havalar daha isti keçərkən sürücülər diqqətli olmalı, sükan arxasında yorğun olarkən avtomobili saxlamalı, stasionar postlarda dincəlməli, kondisionersiz avtomobillərə yola çıxmamalı, ara məsafəsi saxlamalı, nəqliyyat vasitələrinin texniki göstəricilərinə nəzər yetirməli, bir sözlə, yol hərəkəti qaydalarına əməl etməlidirlər.    

Göründüyü kimi, hər bir nəqliyyat vasitəsi yay mövsümünə uyğun olmalı, sürücülər diqqəti artırmalı və bütün hərəkət iştirakçıları öz üzərlərinə düşən vəzifələri layiqincə yerinə yetirməlidirlər. Bax, onda yol- nəqliyyat hadisələri də çox olmaz!

Emil Faiqoğlu